Raysal wasaaraha dawlada federaalka ah ee soomaaliya Xasan Cali Khayre iyo wefti uu hogaaminayo ayaa goor dhawayd ka dhoofay garoonka diyaaradaha ee magaalada Muqdisho.

Safarika raysal wasaare Xasan Cali Khayre ayey wararku sheegayaan inuu salka ku hayo casuumad uu ka helay madaxweynaha dalka Kenya Uhuru Kenyata, kaas oo kulamo la yeelan doona mudada uu ku sugan yahay magaalada Nairobi.

Raysal wasaaraha Soomaaliya oo ay weheliyaan xubno ka mid ah golihiisa wasiirada oo weftiga ka mid ah ayaa sidoo kale wararku sheegayaan inay kulamo la qaadan doonaan hay’addaha ku sugan magaalada Nairobi ee ka hawl gala soomaaliya, kuwaas oo aan ilaa hada la shaacin waxyaabaha ay kala hadli doonaan.

Hay’addaha ka hawl gala soomaaliya ee xarumahoodu ku yaalaan Nairobi ayaa iska dhaga tiray amaro ka soo baxay dawlada federaalka ah oo sheegayey inay u soo guuraan magaalada Muqdisho.

Isha Ku Hay Baligubadlemedia