BALIGUBADLE MEDIA
“Waxaa Laygu Xukumay Hal Sanno iyo Lix Bilood oo Xadhig ah Waxaanan Ka Qaatay Racfcaan Laakiin Lama Dhagaysan Dacwadaydii.
February 9, 2021 - Written by admin

“Waxaan rumaan ahaa 5 sanno oo aan ku jiray jeelka”

Mid ka mid ah maxaabiista ku xidhnaa xabsiga weyn ee Hargeysa

Warbixin ay soo saareen Komishanka Xuquuqul Iisaanka Qaranka Somaliland, ayaa daboolka ka qaaday Kiisas xukun laga soo saaray, oo racfaan laga qaatay, balse qofkii xukunka koowaad lagu riday oo dhamaystay muddadii lagu xukumay intii aan la guddo gelin rafcaankii uu ka qaatay xukunkiisa.

Qayb ka mid ah warbixintan ay shalay soo saareen Komishanka Xuquuqul Iisaanka Qaranka Somaliland oo ay kaga hadleen Xuquuqda Rafcaanka & Dib u Dhaca Dacwadaha, ayaa waxa lagu yidhi warbixinta”Komishanku intii uu ku jiray kormeerka wuxuu xabsiyada qaarkood kula
kulmay maxaabiis maxkamadda darjada koowaad xukuntay oo xukunkaas
rafcaan ka qaatay laakiin se aan la dhaqaajin dacwadii rafcaanka ahayd sidaas
na uu ku dhammaystay xukunkii uu rafcaanka ka qaatay isagoo xidhan oo
aan la dhagaysan dacwadiisii rafcaanka ahayd.”

Mid ka mid ah maxaabiista ku xidhnaa xabsiga Mandheera, oo Komishanku waraysteen, ayaa u sheegay sidan: “Waxaa laygu xukumay hal sano iyo lix bilood oo xadhig ah waxaanan ka qaatay racfcaan, laakiin se lama dhagaysan lama dhaqaajin dacwaddaydii racfaanka ahayd, waxaanan sidaa ku dhammaystay xukunkii aan ka qaatay rafcaanka”

Arrinkaasi wuxuu caqabad ku yahay hannaanka caddaaladda bulshada nugul ee aan haysan cid u dhaqdhaqaaqda isla markaana aan helin adeegga kaalmo sharci ayaa u badan dadka la kulma tacaddiyada noocan ah.

Sidoo kale, waxa Komishanku ogaaday inay jiraa dib u dhac iyo habsan ku dhaca dacwadaha inta lagu gudo jiro baadhista iyo dhageysiga dacwadaha, kuwaas oo dadka qaar la kulmaan in muddo badan garsugayaal ku ahaadaan xabsiyada iyo jeelasha dalka.

“Waxaan rumaan ahaa 5 sanno oo aan ku jiray jeelka waxaan ka aamin baxay caddaaladda”Ayuu yidhi Mid ka mid ah maxaabiista ku xidhnaa xabsiga weyn ee Hargeysa, oo ay la kulmeen Kormeerayaal ka socday Komishanka Xuquuqal Iinsaanka Qaranka.

Xigasho: Wargeyska Saxansaxo

COMMENTS