BALIGUBADLE MEDIA
Raysal-wasaare Xasan Cali Khayre oo Baajiyay Safar uu Ku Tagayay Kismaayo
March 9, 2019 - Written by admin

Raysal wasaare Khayre ayey wararku sheegeen inuu safarkiisa magaalada Kismaayo u baajiyey geerida ku timid wasiirkiisii arimaha dastuurka Cabdiraxmaan Xoosh Jibriil.

khayre

Meydka Wasiirka ayaa la filayaa in magaalada Muqdisho la keeno si aas heer qaran ah loogu sameeyo, waxaana aaska Marxuunka la filayaa in ay ka qeyb galaan Madaxda dalka ugu sareysa, iyada oo raysal wasaare khayre uu magacaabay guddida qaran ee qaban qaabada aaska.

Ra’isul Wasaaraha Soomaaliya ayaa Kismaayo u safraya marka uu dhamaado aaska Wasiirkii Dastuurka Xukuumada Soomaaliya Cabdiraxmaan Xoosh Jibriil oo maanta ku geeriyooday dalka Imaaraadka Carabta.

Kismaayo waxaa hada ku sugan wafdi hor dhac u ahaa safarka Ra’isul Wasaaraha Soomaaliya kuwaa oo sii diyaarinayay soo dhaweynta Ra’isul Wasaare Kheyre oo xili xasaasi ah tagaya Kismaayo.

Isha Ku Hay Baligubadlemedia

COMMENTS