BALIGUBADLE MEDIA
Sucuudiga oo Maxkamadaynaya Ragii Ku Eedaysnaa Dilka Wariyihii Sucuudiga ahaa
January 4, 2019 - Written by admin

Sida ay ku warramayso warbaahinta Sacuudigu maxkamadaynta 11 qof oo loo haysto dilkii Wariyihii Sacuudiga ahaa ee Jamal Khashoggi, ayaa ka bilaabatay magaalada Riyadh, ee Caasimadda Sacuudiga.

jamaal kashoggi

Dacwad oogeyaasha ayaa codsaday in la toogto Shan qof oo kamid ah eedaysaneyaasha.

Khashoggi, ayaa ahaa haldoor deggan dalka Maraykanka oo dhaliili jiray Xukuumadda Sacuudiga, waxaana la dilay kadib markii uu galay qunsuliyadda uu Sacuudigu ku leeyahay magaalada Istanbul ee Turkiga, 2-dii bishii October.

Dacwad oogeyaasha ayaa sheegaya in lagu dilay wariyahaas hawlgal arxan darro ah oo ay fuliyeen dad loo soo diray in ay ninkaas kusoo celiyaan boqortooyada Sacuudiga.

Sacuudi Carabiya ayaa diidday codsi uga yimid Turkiga oo ahaa in ay usoo gacan galiso 18 qof oo la tuhunsanaa si loo maxkamadeeyo, kuwaas oo ay kujiraan 15 qof oo Turkigu uu sheegay in ay Istanbul usoo duuleen si ay dilka u fuliyaan.

Isha Ku Hay Baligubadlemedia

COMMENTS