|
|
Wasiirka arimaha dibada somaliladn Dr. Sacad Cali Shire ayaa ka hadlay shir ay dawlada somaliland ku qabanayso wadanka Belgium. Wasiir Sacad oo faah faahin ka bixinayey kulan uu la qaatay xubno ka tirsan baarlamaanka midawga Yurub ayaa sheegay in shirkaas lagaga hadli doono arimo la xidhiidha horu marka somaliland.
Wasiirka oo ugu horayn ka hadlaya kulan ay xubno ka tirsan xukuumadu la qaateen wefti ka socday midawga Yurub ayaa waxa uu yidhi “Waxaanu iskugu nimid shir ay ka soo qayb galeen wasiiro badan iyo wefti ka socda baarlamaanka midawga Yurub oo uu hogaaminayo xubin ka tirsan baarlamaanka James Carver, waxaanan ka wada hadalnay danaha somaliland iyo Midawga Yurub.”
Wasiirka oo hadalkiisa sii wata ayaa soo bandhigay ujeedada shir ay somaliland ku qabanayso xarunta midawga Yurub ee Brussels waxanu yidhi “Waxaana ugu muhiimsanaa qodobadii aanu ka wada hadalnay shir aanu doonayno inaanu ka qaban qaabino magaalada Brussels ee xarunta midawga Yurub kaas oo ku saabsan maalgashiga, ganacsiga iyo horu marka somaliland.”
Isha Ku Hay Baligubadlemedia