Beesha Sheekh Muuse Direed Oo Garaad Cusub Ku Caleemo Saartay Toronto. SAWIRO.
January 2, 2019 - Written by admin
Xaflad si balaadhan loo soo agaasimay oo lagu caleema saaray garaadka guud ee Beesha Sheekh Muuse Direed Oo ka mida beelaha dega dagaaanka Jamhuuriyada Somaliland iyo dhamaaan deegaanada dhulka Soomaalidu degto ayaa ka dhacday magaalada Toronto ee Dalka Kanada.
Garaadkan la caleema saaray oo layidhaa Garaad Barkhad Xaaji Cabdi Cige Huube ayaa ka soo jeeda qoys hogaan dhaqameed ah oo awaawgii ahaa jiif Caaqil Cige abaahihii Xaaji Cabdi Cigena yahay Jiif Caaqilka Beesha.
Xafladan oo ay ka soo qayb galeen madaxdhaqameed, siyaasiyiin iyo qaybaha kala duwan ee bulshada af Somaliga ku hadasha oo ahayd mid si heersare ah loo soo agaasimay ayaa ugu horayn waxaa faahfaahiyay ujeedada xaflada looqabtay jiif Caqil Xasan haybe caateye “ xafladan maanta aynu joognaa waa xaflad aynu ku caleemo saarayno Garaad Barkhad Xaaji Cabdi Cige oo ku biiraya hogaanka dhaqanka Beesha Muuse Direed , waxaanan rajaynayaa in xilkaa loo doortay uu uqaban doono sida ugu wanaagsan, salaadiintii ka horaysayna uu siwanaagsan ula shaqayn doono , ummada uu ucadaalad samayn doono, waxaanan garaadka cusub ilaahay uga baryayaa inuu xilkaa loo doortay ilaahay ufududeeyo, waanan soo dhawaynaynaa” ayuu yidhi.
Sidoo kale waxaa isna ka hadlay xaflada lagu caleemo saarayay Garaad Barkhad, Boqor Xaajii Maxamed oo sheegay inuu soo dhawaynayo xilka loo doortay Garaad Barkhad isagoo ilaahayna uga baryay inuu xilka ufududeeyo Garaadka waxaanu yidhi “waxaa sharaf inoo ah hadaynu Somali nahay inaynu garaad cusub oo ku soo biiraya madax dhaqameedka Somalida uu xilkaa qaado, soomaali kastana waxaad utahay garaad, dadkana ka soo wada qaad ilmahaagii oo kale oo cadaalad usamee, ka madax dhaqameed ahaana waa maasha alla haddii aad nagu soo biirtay”.
Ugu dambayntiina waxaa hadalka qaatay garaadka Cusub ee Beesha Sheekh Muuse Direed Garaad Barakhad Xaaji Cabdi Cige isagoo uga mahad celiyay marti sharaftii ka soo qayb gashay xaflada caleemo saarkiisa “waxaan umahadcelinayaa beesha ii idmatay xilka, waxaanan rajaynayaa inaan noqon doono mid xilka uga soo baxo siwanaagsan oo cadaadal iyo sinaan ah, waxaanan ilaahay ka rajaynayaa in uu ilaahay xilkaa ii fududeeyo, waxaanan maanta noqday garaad ka mid ah hogaan dhaqameedka ummada af Somaliga ku hadasha, waxaanan aaminsanahay inaan beesha ii idmatay iyo dhamaan Somalidaba inaan matalo si sinaan iyo cadaalad ahna aan ku xaqsoori doono, ilaahayna waxaan ka rajaynayaa inuu xaqa iyo wanaaga ina garan siiyo”
Garaadka cusub ee Beesha Sheekh Muuse direed ayaa sheegay inuu raaci doono dhaqankii wanaagsanaa ee Hogaanka beesha u idmatay Garaad uu cadaalad iyo sinaana ugu shaqay doono beesha, waxaanu ka codsaday dadkii ka soo qayb galay xaflada caleemo saarkiisa inay faataxada umaraa in uu ilaahay ufudaydiyo xilka beeshu u idmatay.
Xafldan oo si heersare ah loo soo agaasimay ayaa ku soo dhamaatay jawi qurux badan
Like this:
Like Loading...
COMMENTS