BALIGUBADLE MEDIA
Maxkamad Sare oo Ingiriis Ah oo Xukun Kale Ku Riday Dawlada Djibouti Iyo Djibouti oo Dhagaha Ka Furaysatay Xukunadda Maxkamaddaha UK
September 25, 2018 - Written by editor

Maxkamadda sare ee England iyo Wales ee magaalada London ayaa hore u sii wadaysa go’aankii 31-dii bishii August ee 2018-ka, kaas oo ahaa in shirkadda dekadaha ee dawladda Djibouti (“PDSA”) ka mamnuucaysa in aanay  fara galin ku sameyn maamulka dekedda Doraleh.

Ka dib markii 14-kii bishii Septemberr ee 2018-ka ay maxkamaddu dhagaystay dacwadda, taas oo PDSA aanay ka soo xaadirin maxkamadda, balse maxkamadda ayaa amartay in ay sii socoto dacwada ilaa amar dambe.

dp world

Amarka maxkamadda sare ayaa daba socday ka dib markii PDSA ay joojisay heshiiskii ay shuraakada kula ahayd DP World, iyo qabashada shirka aan caadiga ahayn ee ay iskugu yeedhay hay’adda

marsooyinka Jabuuti (PDSA) 9-kii bishan  September, si loo beddelo agaasimeyaashii ay u soo magacawday shirkadda DP World Terminalka Kontaynarrada Dooraale oo ay labada dhinac shuraako ku ahaayeen.

Maxkamadda ayaa sidoo kale amar ku bixisay in ay khasab tahay in PDSA ay xaqiijiso isbedel kasto oo ay ku sameynayso dekedda Dooraale oo ay ku saleeyso qoondada heshiiskii sida wada jirka ah loo saxiixay.

Taasi oo micneheedu yahay, in dawladda ama PDSA aanay  koontorooli Karin ama aanay heshiis la gali Karin shirkad kale iyadoo aan lala socodsiin shirakadda DP World.

DP World ayaa toddobaadkii la soo dhaafay xaqiijisay in ay hore u sii wadi doonto waddo kasto oo sharciga ku saleeysan si ay u difaacato saamigii ay ku lahayd dekedda Dooraale.

Sanadkii 2016-kii heshiiska ganacsiga ee ay dawladda la gashay DP World ayaa waxaa lagu saleeyay sharciga Ingiriiska. Taasi oo micneheedu yahay in khilaafkasta oo ku salaysan heshiiskaas lagu xaliyo heshiis ay dhexdhexaad ka tahay maxakamadda LCIA.

Dekadda Dooraale waa isha dhaqaalaha ugu badan uu ka soo galo Jabuuti, waana halka ay shaqaalaha ugu badan ka helaan fursadaha shaqo.

Source:-BBCsomali

COMMENTS