BALIGUBADLE MEDIA
Dawladda Jabuuti oo Ka Hadashay Aragtideeda Ku Aadan Saamaynta Foosha Xun ee Isbedeladda Mandaqaddu Ku Keeni Kara Dalkeeda
July 29, 2018 - Written by editor

Dawladda Djibouti yaa ka jawaabtay dareenka falanqeeyayaasha siyaasadda ee aaminsan in isbedelada gobalka Geeska Afrika ka socdaa ay go’doomin doonaan Djibouti.

Wasiirka arrimaha dibadda Djibouti Maxamuud Cali Yuusuf oo tan iyo markii ay wada hadal bilaabeen Ereteriya iyo Itoobiya bilaabay dhaqdhaqaaqyo diblomaasiyadeed, ayaa wuxuu meesha ka saaray in waxyaabaha socda ay go’doomin karaan Djibouti, “Kuwa filaya in arrimaha dhacayaa ay sababi doonaan in Qaramada Midoobey ay go’doomiso Jabbuuti. Waxa aan si deggen ugu sheegayaa, in ay nabaddu marka koowaadba dan u tahay kuwii sannadahaas oo dhan iyagu burburinayey/dhaawacayey.” Sidaas ayuu yidhi Wasiir Yuusuf oo shalay qoraalo dhawr ah ku baahiyay twitterka, waxaanu intaas raaciyay “Djibouti

waxa ay sii ahaan doontaa dal albaabadiisu u furan yihiin nabad, aan ku imanayn in laga gorgortamo danaheeda qaran.”

Dad badan oo siyaasadda falanqeeya ayaa aaminsan in dalka koowaad ee isbedelada uu la yimid raysalwasaaraha Itoobiya ay saamaynayaan noqon doonto Djibouti.

Isha Ku Hay Baligubadlemedia

COMMENTS